Конкурсты өткізу күні мен орны: 2026 жылғы 25 қыркүйек, Абай облысы, Семей қаласы, К. Мұхамедханов көшесі, 38 «А», 3-қабат, 307-кабинет, «Абай облысы Денсаулық сақтау басқармасы» ММ.

Мемлекеттік кәсіпорынның атауы: Абай облысы Денсаулық сақтау басқармасының «Жедел медициналық жәрдем ауруханасы» ШЖҚ КМК, мекенжайы: Абай облысы, Семей қаласы, Мичурин көшесі, 140 «А», индексі 071404, телефоны 777-338. 

Негізгі қызметінің қысқаша сипаттамасы: Кәсіпорын медициналық қызметтің келесі түрлерін жүзеге асырады: мамандандырылған медициналық көмек көрсету, жоғары технологиялы медициналық көмек көрсету, Қазақстан Республикасының қолданыстағы заңнамасына сәйкес Абай облысының халқын тегін медициналық көмектің кепілдік берілген көлемімен және міндетті әлеуметтік медициналық сақтандыру жүйесіндегі медициналық көмекпен қамтамасыз ету, ересек тұрғындарға стационарлық көмек көрсету, медициналық реабилитология, қалпына келтіру емі, зертханалық және сәулелік диагностика, қоғамдық денсаулық сақтау саласындағы қызмет.

Қазақстан Республикасы Ұлттық экономика министрінің 2015 жылғы 20 ақпандағы № 113 бұйрығына 2-қосымшаға сәйкес, денсаулық сақтау саласындағы шаруашылық жүргізу құқығындағы мемлекеттік кәсіпорындардың бақылау кеңесіне сайланатын тұлғаларға қойылатын талаптар жоғары білімнің, сондай-ақ мынадай талаптардың бірінің болуын қамтиды:

1) денсаулық сақтау немесе ұйым бейіні бойынша және (немесе) экономика/қаржы және (немесе) бизнес және (немесе) құқық саласында кемінде 5 жыл жұмыс тәжірибесінің;

2) денсаулық сақтау немесе ұйым бейіні бойынша және (немесе) экономика/қаржы және (немесе) бизнес және (немесе) құқық саласындағы басшылық қызметте кемінде 3 жыл жұмыс тәжірибесінің;

3) денсаулық сақтау және (немесе) экономика және (немесе) бизнес және (немесе) құқық саласындағы қоғамдық бірлестіктердің мүшесі.

Бақылау кеңесінің мүшесі ретінде мынадай тұлға сайланбайды:

1) соттылығы өтелмеген немесе алынбаған;

2) заңды тұлғаны банкрот деп тану туралы шешім қабылданғанға дейін бір жылдан астам осы заңды тұлғаның басшысы болған;

3) бұрын сыбайлас жемқорлық құқық бұзушылық жасаған;

4) бақылау кеңесінің басқа мүшесімен немесе мемлекеттік кәсіпорын басшысымен жақын туыстық және туыстық қатынастағы адамды бақылау кеңесінің мүшесі ретінде сайлауға болмайды.

Құжаттарды қабылдау мерзiмдi баспасөз басылымдарына байқау өткізу жарияланған күнінен бастап күнтізбелік отыз күн өткен соң аяқталады.

Құжаттарды қабылдаудың басталатын күні – мерзімді баспасөз басылымында байқау өткізу туралы хабарландыру орналастырылған күн.

Байқау өткізілетін күн – байқауға қатысу үшін құжаттарды ұсыну мерзімі аяқталғаннан кейінгі келесі жұмыс күні.

Байқауға қатысуға ниет білдірген тұлға (бұдан әрі – кандидат) конкурс өткізу туралы хабарландыруда көрсетілген мерзімде комиссияға мынадай құжаттарды, оның ішінде кәсіпорынның лауазымды тұлғаларына қатысты үлестестігі туралы мәліметтерді ұсынады:

1) байқауға қатысу туралы өтініш (еркін нысанда жазылған);

2) қазақ және орыс тілдеріндегі түйіндеме;

3) өмірбаян (еркін нысанда жазылған);

4) үміткердің жеке басын куәландыратын құжаттың көшірмесі;

5) жоғары білімі туралы құжаттың көшірмесі;

6) ҚР Еңбек кодексінің 35-бабында көрсетілген еңбек қызметін растайтын құжаттардың көшірмелері;

7) Қазақстан Республикасы Бас прокуратурасының Құқықтық статистика және арнайы есепке алу комитетінің аумақтық бөлімшелері берген соттылығы және сыбайлас жемқорлық құқық бұзушылықтары жоқ екендігін растайтын құжаттар.

Байқауға қатысушы өзінің біліміне, жұмыс өтіліне, кәсіби деңгейіне қатысты қосымша ақпаратты (біліктілікті арттыру, ғылыми дәрежелер мен атақтар беру туралы құжаттардың көшірмелерін, ғылыми жарияланымдарды, бұрынғы жұмыс орнының басшылығынан ұсынымдамаларды) ұсына алады.

Қатысушы конкурс өтінімінің түпнұсқасын «Түпнұсқа» деп белгілеп, конвертке салып мөрлейді. Бұл конвертте қатысушының тегі, аты, әкесінің аты (ол бар болса) және мекенжайы көрсетіледі. Осыдан кейін конверт сыртқы конвертке салынып мөрлейді.

Ішкі және сыртқы конверттер:

1) шақыруда немесе мерзімдік басылымдағы ақпаратта көрсетілген мекенжай бойынша тиісті саладағы уәкілетті органға (жергілікті атқарушы органға) бағытталуы;

2) «Абай облысы Денсаулық сақтау басқармасының «Жедел медициналық жәрдем ауруханасы» ШЖҚ КМК бақылау кеңесі мүшелерінің конкурсы», «2026 жылғы 25 қыркүйек сағат 10:00-ге дейін ашуға болмайды» деген сөздерді қамтуы тиіс.

Жүргізілген бағалау нәтижелері бойынша бақылау комиссиясы талаптарға сәйкес келетін кандидаттарды іріктеуді жүргізеді, оларға сұхбаттасуға шақыру жіберіледі. 

Байқау өтінімі мына мекенжай бойынша жіберіледі: Абай облысы, Семей қаласы, Қ. Мұхамедханов көшесі, 38 «А» («Абай облысының Денсаулық сақтау басқармасы» ММ)

Цифрлық сервистер облыс тұрғындарына дәрілік қамтамасыз ету мәселелері бойынша қажетті ақпаратты тәулік бойы онлайн режимінде алуға мүмкіндік береді.

Чат-боттардың мүмкіндіктері:

• дәрілік заттардың қолжетімділігін тексеру;
• рецепт бойынша ақпарат алу;
• тегін берілетін дәрілік заттардың тізімімен танысу;
• Байланыс орталығына өтініш жолдау;
• тәулік бойы (24/7) қызметті пайдалану;
• ақпаратты қазақ және орыс тілдерінде алу.

Жаңа цифрлық шешімдер дәрілік қамтамасыз ету жүйесінің ашықтығын арттыруға, қажетті ақпаратты алу уақытын қысқартуға және пациенттерге көрсетілетін қызмет сапасын жақсартуға бағытталған.

Қызметті пайдалану үшін QR-кодты сканерлеу немесе Telegram және WhatsApp чат-боттарына өту жеткілікті.

Байланыс ақпараты:

Байланыс орталығы – 1439

E-mail: info@sk-pharmacy.kz

Telegram-бот: @cont_center1_bot

Абай облысының Денсаулық сақтау басқармасы тұрғындарды дәрілік қамтамасыз ету мәселелері бойынша жедел әрі қолжетімді ақпарат алу үшін жаңа цифрлық сервистерді белсенді пайдалануға шақырады.

Іс-шараға Абай Құнанбайұлы атындағы орталық мешіттің имамы Сериков Қуаныш Файзоллаұлы және Абай облысы Семей қаласындағы Воскресенский кафедралды соборының кілт сақтаушысы, Семей шіркеу округінің благочинныйы протоиерей Роман Викторович Сычук қатысты.

Баяндама жасаған Абай облысының трансплантология бойынша үйлестірушісі Алибаева Галия Айтчановна:
«Қазақстандағы ағзалық донорлыққа діннің көзқарасы» тақырыбында сөз сөйледі.

Кеңес барысында діннің ағзалық донорлыққа көзқарасы, трансплантацияның рухани-адамгершілік аспектілері, сондай-ақ донорлықтың адам өмірін сақтап қалудағы маңызы талқыланды.

Қатысушылар халықтың ақпараттануын арттыру және ағзалық донорлық мәселелері бойынша дұрыс түсінік қалыптастыру мақсатында медицина қауымдастығы мен діни конфессиялар арасындағы ашық диалогтың маңыздылығын атап өтті.

Мұндай рұқсатты алу үшін шетелдік мамандар денсаулық сақтау саласындағы маманды сертификаттау қағидаларына (Қазақстан Республикасы Денсаулық сақтау министрінің 2020 жылғы 15 желтоқсандағы № ҚР ДСМ-274/2020 бұйрығы) сәйкес Комитеттің аумақтық департаменттеріне өтініш береді. Өтінішке білім туралы құжат, еңбек және кәсіби қызметін растайтын құжаттар, кәсіби дамуы туралы мәліметтер және кәсіби даярлығының бағалау нәтижелері қоса ұсынылады.

Сонымен қатар, шетелдік мамандар сертификаттау кезінде жергілікті атқарушы органнан алынған шетелдік жұмыс күшін тартуға рұқсат ұсынады. Бұл талап 2014 жылғы 29 мамырдағы Еуразиялық экономикалық одақ туралы шартқа қатысушы мемлекеттердің азаматтарына қолданылмайды.

Қазақстан Республикасынан тыс жерде медициналық білім алған шетелдік мамандар олардың білімі және (немесе) біліктілігі белгіленген тәртіппен танылған жағдайда сертификаттауға жіберіледі. Бұл талап «Назарбаев Университетіне» немесе оның медициналық ұйымдарына, Қазақстан Республикасы Президенті Іс басқармасының медициналық ұйымдарына кәсіби медициналық қызметті жүзеге асыру үшін шақырылған тұлғаларға, сондай-ақ жоғары және (немесе) жоғары оқу орнынан кейінгі білім беру ұйымдарында, ұлттық және ғылыми орталықтарда, ғылыми-зерттеу институттарында және қосымша білім беру бағдарламаларын іске асыратын, институционалдық аккредиттеуден өткен жоғары медициналық колледждерде оқыту мақсатында шақырылған тұлғаларға қолданылмайды.

Аталған талаптар пациенттердің қауіпсіздігін қамтамасыз етуге және медициналық көмектің сапасына кепілдік беруге бағытталған. Рұқсат құжаттары жоқ мамандарға жүгіну диагноз қою мен емдеуде қателіктерге, сондай-ақ пациенттердің құқықтарының бұзылуына әкелуі мүмкін.

Гемопоэтикалық бағаналы жасуша трансплантациясын кімдер қажет етеді?

Онкологиялық және гематологиялық ауруларға шалдыққан көптеген науқастар үшін гемопоэтикалық бағаналы жасушаларды трансплантациялау — өмірді сақтап қалудың жалғыз мүмкіндігі. Бұл процедура рак, лейкоз, лимфома және тұқым қуалайтын ауруларға шалдыққан мыңдаған ересектер мен балалардың өмірін сақтап қала алады.
Қазақстанда жыл сайын жүздеген балаға бағаналы жасуша трансплантациясы қажет. Алайда олардың аз ғана бөлігі дер кезінде көмек алады. Себебі «генетикалық егізін» табу өте қиын.

Гемопоэтикалық бағаналы жасуша доноры кім бола алады?

Потенциалды донор 18–45 жас аралығындағы кез келген азамат бола алады. Ол вирустық гепатит, туберкулез, сифилис ауруларымен ауырмаған, ВИЧ-инфекциясын тасымалдаушы емес және медициналық көрсеткіштер бойынша қарсы келетін аурулары болмауы тиіс (бұл дәрігер тексеруінен кейін анықталады).
Донор жасының маңызды фактор екені де ескеріледі: донор неғұрлым жас болса, трансплантаттағы бағаналы жасушалардың концентрациясы мен «сапасы» соғұрлым жоғары болады.

Типтеу (HLA-генотипін анықтау)

Гемопоэтикалық бағаналы жасушалардың доноры болу үшін HLA-генотипін анықтау (типтеу) қажет. Ол үшін донордан бір пробирка қан алынады (қарапайым қан талдауындай). Жиналған қан үлгісі арнайы зертханада зерттеледі.
Типтеу нәтижелері Қазақстанның Ұлттық гемопоэтикалық бағаналы жасуша донорлары регистріне енгізіледі.

Деректер регистрге енгізілгеннен кейін не болады?

Трансплантация қажет болған пациент пайда болса, оның HLA-мәліметтері регистрдегі донорлардың мәліметтерімен салыстырылады.
Сәйкестігі жоғары бір донор немесе өте сирек жағдайда бірнеше донор анықталуы мүмкін.
Потенциалды донорға хабар беріледі, әрі ол нақты донор болу-болмау жөнінде шешім қабылдайды.
Потенциалды донордың нақты донорға айналу ықтималдығы — 1%-дан аспайды.
Сондықтан Ұлттық регистрді толықтыру өте маңызды. Регистрде қаншалықты көп адам болса, соншалықты көп адамның өмірін сақтап қалуға болады.
Науқасқа донор табу мүмкіндігі — 10 000 адамның ішінде 1 адам.

Бағаналы жасушаларды алу қалай жүргізіледі?

Қазіргі уақытта бағаналы жасушаларды веналық қаннан алуға болады. Бұл — донор үшін қарапайым әрі қауіпсіз процедура.
Жасушаларды алу келесі жолмен жүргізіледі:

• Арнайы медициналық препараттың көмегімен сүйек кемігіндегі жасушалардың қанға шығуы ынталандырылады.

• Содан кейін олар венадан арнайы жоғары технологиялық аппарат арқылы жиналады, ол тек қажетті жасушаларды бөліп алады.

Донор тек бағаналы жасушаларының аз ғана бөлігін береді.
Бағаналы жасушалар көлемі 7–10 күн ішінде толық қалпына келеді.
Донор жасушаларының 5%-ы науқасқа қан түзу қызметін қалпына келтіру үшін жеткілікті. Бұл жасушалар көбейе алады. Науқасқа донор жасушалары құйылады, олар организмге бейімделіп, қан түзе бастайды. Осылайша адамның өмірі сақталады!

ГЕМОПОЭТИКАЛЫҚ БАҚАНАЛЫ ЖАСУШАЛАР ДОНОРЛЫҒЫНЫҢ ҚАҒИДАЛАРЫ

ЕРІКТІЛІК
Қазақстан Республикасының кез келген азаматы гемопоэтикалық бағаналы жасуша доноры болуға ерікті түрде шешім қабылдайды. Донор болу — азаматтық жауапкершілік пен өзге адамға нақты көмек көрсетудің белгісі.

ТЕГІН (ӨЗАРАСЫЗ)
Бағаналы жасушаларды донорлық ету — ақысыз негізде жүргізіледі.

ҚҰПИЯЛЫҚ
Донор туралы жеке ақпарат пен оның генотиптік деректері қан орталықтары тарапынан толықтай құпия сақталады.

ГСК РЕГИСТРІНЕ ҚАНДАЙ ЖЕРДЕН ТІРКЕЛУГЕ БОЛАДЫ?

Қан орталығының мекенжайы: Семей қаласы, Сеченов көшесі 4/3
Байланыс телефоны: 8 (7222) 42-15-34
Донорларды қабылдау және кеңес беру уақыты: күнделікті жұмыс күндері 8:00–13:00