Бүгінгі күні бөлімше заманауи жаңа диагностикалық құралдармен жабдықталған. Бұл бөлімшенің тарихы 1930-ыншы жылдары Физикалық тәсілдермен емдеу институтында бір ғана электркардиография кабинетінің ашылуымен басталған.
Кейін 70-ші жылдары Орталық қалалық аурухана салынып, емхана жаңа ғимаратқа көшті, бұл жерде функционалдық дигностика кабинеті бөлімшеге айналды.

Бұл жерде тек ЭКГ ғана жасалмай, сонымен бірге спирография, фонокардиография, реография, алғашқы ультрадыбыстық зерттеу тәсілдері, бір өлшемді кескіндемедегі ЭХокардиография, эхоэнцефалография сияқты зерттеу тәсілдері де пайда болды.
1996 жылы Орталық қалалық ауруханасы Жедел медициналық жәрдем ауруханасы болып аталды. Осы уақытта құрсақ қуысы ағзаларын тексеруге арналған алғашқы ультрадыбыстық аппараты қойылды. Біраз уақыт өткеннен кейін заманауи эхокардиограф пайда болды.

2014 жылы «100 мектеп – 100 аурухана» мемлекеттік бағдарламасының шеңберінде «Жедел медициналық жәрдем ауруханасының» заманауи кешені іске қосылды.Жаңа ауруханада зерттеулер көлемі бұрынғыдан да кеңейді. Жаңа ғимаратпен бірге бөлімше қазіргі уақытта жүргізілетін барлық зерттеу түрлерін жасауға мүмкіндік беретін заманауи жаңа құралдарға қол жеткізді.
Функционалдық диагностика бөлімінің ұжымында білікті, ұқыпты дәрігерлер мен мейірбикелер жұмыс істейді. Бөлімше қызметкерлері өздерінің кәсіби деңгейлерін үнемі көтеріп отырады, мемлекеттік білім беру мекемелерінде, жақын және алыс шет елдердің беделді университеттерінде білім алып отырады.

Бүгінгі күні біздің бөлімшеде стационарлық және амбулаторлық емдеуде жатқан аурухананың емделушілері ғана емес, сонымен бірге қалауы бойынша кез келген азамат зерттеулер өте алады.
Мысалға, жүрек зерттеуін әдеттегі 12 жалғамдағы электрокардиограммадан бастауға болады. Жүрек ырғағының бұзылуы байқалса, сонымен бірге миокардтағы ауырсынусыз болатын имшемияны анықтау үшін, Холтер бойынша ЭКГ мониторының тәуліктік зерттеуі жүргізіледі. Холтер бойынша мониторлеу әдеттегі электрокардиографияда байқалмайтын жүрек жұмысындағы ақаулар туралы көрсеткіштерді алуға мүмкіндік береді.
Жүрек-қантамыр жүйесінің физикалық күш түсуге реакциясын бағалау үшін, стенокардияны және оның функционалдық сыныбын анықтау үшін тредмил тестінде зерттеу жүргізіледі.

Эхокардиграфия туа біткен немесе жүре пайда болған жүрек ақауларын, жүрек қабырғаларының гипертрофиясын (кеңею), жүрек қуысында кеңею бар екенін растау немесе жоққа шығаруға, жүрек аппараты қақпағының жұмысын, миокардтың жиырылу қабілетін бағалауға, жүрек қуысы мен перикардтағы патологиялық ісіктерді анықтауға, сонымен бірге магистралді қан-тамырларының жағдайын бағалауға мүмкіндік береді.

Қол – аяқ қантамырларының, миға қорек беретін қантамырлардың жағдайын, бүйректің қан өткізу жүйесінің жағдайын қантамырларды дуплексті сканерлеудің көмегімен жүргізуге болады. Зерттеудің бұл түрі қантамырларының жағдайын жете бағалауға, атеросклероздық түйіндердің, ұйыған қанның бар екенін және сипатын анықтауға, қан ағымының сипаты мен жылдамдығын анықтауға мүмкіндік береді.
Сонымен қатар, Жедел медициналық жәрдем ауруханасының функционалдық диагностика бөлімшесінде кез келген азамат құрсақ қуысы және құрсақ асты кеңістігінің ішкі ағзаларының патологияларын тез және дәл табуға немесе жоққа шығаруға мүмкіндік беретін, заманауи ультрадыбыстық аппараттың көмегімен тексеруден өте алады.

Зертханалық зерттеулерді (жалпыклиникалық, биохимиялық, серологиялық, гематологиялық және иммунологиялық) жүргізуге рұқсат ететін негізгі құжаттардан басқа ҚР Денсаулық сақтау Министрлігінің Режимдік комиссиясы берген 2018ж.02.01 № KZ 16VMY00000761 «Микроорганизмдермен және гелминттермен жұмыс істеуге рұқсаты» бар.

Қан жасушаларын біршама мұқият анықтау және қорытындылардың нақтырақ болуы үшін КДЗ мамандары автоматты әдістермен қатар, зерттеулерді классикалық түрде қолмен де жасайды.

Сонымен қатар, ЖМЖА-ның КДЗ мамандары Семей қаласында ересек науқастардың қан ауруларын анықтау үшін жілік майына зерттеу жүргізетін жалғыз мамандар.

КДЛ-да 6 дәрігер, 17 зертханашы, 4 тазалықшы жұмыс істейді.
Дәрігерлердің санаттылығы – 100%-ды, ортаңғы мед.қызметкерлерінікі – 80%-ды құрайды.
Зертхана қызметкерлері жыл сайын бекітілген кестеге сәйкес біліктіліктерін көтеруден өтіп тұрады.

КДЗ қызметкерлері жылына орта есеппен 360 000 зерттеу жүргізеді.

ЖМЖА-ның КДЗ-сы демалыссыз және мереке күндерінсіз тәулік бойы зерттеудің барлық түрлерін жүргізеді.
Талдаулардың түрлеріне қарай иммундыферментті зерттеулерді (гепатит, қалқанша безі гормондары) қоспағанда, қорытындылардың шығу уақыты 10 минуттан бір тәулікке дейін барады.

Талдаулар тапсыруға дайындық жөнінде нұсқаулар:
1.Талдауды тапсырғанға дейін бір сағат ішінде шылым шекпеу.
2.Талдау тапсырғанға дейін бір күн бұрын күйзелісті болдырмау, денеге күш түсірмеу, күн тәртібін бұзбау және қоректенуді өзгертпеу, алкоголь қабылдамау.
3.Талдауды тыныш қалыпта тапсыру керек. Қан тапсырар алдында 10-15 минут демалып алған жөн.
4.Рентгенографиядан, ректальды тексеруден немесе физиотерапиялық емшаралардан кейін талдау тапсыру дұрыс емес.
5.Қабылдау орнының қызметкеріне қандай да бір дәрілік құрал (оның ішінде – антикоагулянттар) қабылдаған болсаңыз ескертіп айтыңыз.

ЖМЖА КДЗ-да Сіз мынадай зерттеу түрлерінен өте аласыз:

Байланыс телефоны: 8 (7222)777-338

Шығыс Қазақстан облысы бойынша тек біздің ауруханамызда ғана ЭРХПГ (эндоскопиялық ретроградтық холангио панкреатография) жүргізіледі – ол механикалық сарғаю кезінде өт жолдарын контрастпен диагностикалық зерттеу. Анықталған патологияларға байланысты көрсетілімдер бойынша, механикалық сарғаю салдарын жою арқылы ЭПСТ (эндоскопиялық папилосфинктеротомия) жүргізіледі:
– өт жолдарынан тасты алу;
– өттің немесе ұйқы безі ұшының ісігі кезінде өт жолдарына стент қою;
– өттің тарылуы кезінде баллондық кеңейту.

Емдік шаралар стационарда көктамырішілік седация арқылы жүргізіледі.
Жоғарыда көрсетілген манипуляциялар ешқандай тіліксіз табиғи саңылаулар арқылы сарғаю себептерін жоюға мүмкіндік беретін, механикалық сарғаюды диагностикалау мен емдеудің аз инвазивті заманауи тәсілдері болып табылады.

Эндоскопия бөлімшесінде 3 дәрігер, 4 мейірбике және 2 санитар қабылдау жүргізеді.

Бөлімше қызметкерлері тек Қазақстанның ғана емес, сонымен бірге шет елдердің денсаулық сақтау ұйымдарында, медициналық білім және ғылым орталықтарында бекітілген кестеге сәйкес біліктілігін көтеріп тұрады.

Емделушілерді қабылдау мына телефон номері арқылы алдын ала жазба бойынша жүргізіледі: 8 (7222) 777-338.
Көрсетілген телефонға хабарласып, Сіз зерттеуге дайындалу және емделушінің жеке ерекшеліктерін ескере отырып оның жүргізілуі туралы эндоскопист-дәрігердің кеңесін ала аласыз.

СДБ-де 6 дәрігер, 9 зертханашы және 4 санитар қабылдау жүргізеді.
Қызметкерлердің біліктілігі 83%-ды құрайды: жоғары санатты дәрігер -2, бірінші санатты дәрігер – 1, екінші санатты дәрігер – 2 және бір дәрігердің рентгенолог дәрігері сертификаты бар.

Бөлімше қызметкерлері жыл сайын Қазақстан Республикасының денсаулық сақтау ұйымдары, медициналық білім және ғылым ұйымдарында ғана емес, сонымен бірге шет елдерде бекітілген кестеге сәйкес біліктіліктерін көтеріп тұрады.
СДБ-де ретгендиагностикалық жабдықтардың, компьютерлік және магнитті-резонансты томографияның көмегімен орталық жүйке жүйесі, көкірек қуысы, құрсақ қуысы, ішастар арты кеңістігі, кіші жамбас ағзалары мен сүйек-буын жүйесі ауыратын науқастар тексеріле алады. Қан тамыр жүйелерінің әртүрлі зақымдануларында қан тамырларының жағдайын тексеру үшін ангиографиялық зерттеу жүргізіледі.

Контрастың енгізілуін бақылайтын автоматты инжектордың көмегімен жүргізілетін контрастпен зерттеу. Контрасты қолмен енгізу сияқты әдеттегі әдіспен салыстырғанда, ЖМЖА СДБ-де жүргізілетін тәсіл біршама анық кескіндеме алуға мүмкіндік береді, зерттеудің диагностикалық нәтижелігін көтереді және шараны емделуші үшін біршама қауіпсіз етеді.
ЖМЖА СДБ-нің дәрігерлері «Семей» ММУ университеті госпиталінің нейрохирургтарымен, Перинаталдық орталық және Семей қаласы және ШҚО басқа медициналық ұйымдарымен ауыр халдегі науқастарға шұғыл зерттеулерді жүргізу және емделушілерге консультациялар жүргізу арқылы тығыз байланыста жұмыс істейді.

ЖМЖА СДБ жылына орташа есеппен 50 000 рентген зерттеулерін, 5 500-ден жоғары КТ мен МРТ зерттеулерін, 500-ден артық КТ-коронарография зерттеулерін өткізеді.

Шығыс Қазақстандағы жалғыз КТ-коронарография жүргізуге арналған кардиосинхронизациясы бар компъютерлік томограф ЖМЖА-ның сәулелі диагностика бөлімшесінде.
КТ-коронарография деген – емделушінің қан өткізуші тамырларына жағымсыз катетеризация шараларын жүргізбестен жүрек ауруларының қатерлілігін бағалауға, болжамдар жүргізуге мүмкіндік беретін инвазивті емес тәсіл.
КТ-коронарографияның жүргізілуі:
• Жүрек қантамырларының ерте кезеңдегі атеросклерозын анықтау үшін;
• Кеуде қуысындағы атипиялық ауырсынулар синдромында;
• Стенттер мен қолқа-жүрек шунттарын бақылау және бағалау үшін;
• Сәтсіз жүргізілген инвазивті коронарографиядан кейін.

* МРТ және КТ зерттеулері АЛДЫН АЛА ЖАЗЫЛУ бойынша жүргізіледі

Байланыс телефоны: 8 (7222) 777-336

Ұлы Отан Соғысы жылдары физиоинститут негізінде эвакуациялық госпиталь құрылды, ал соғыстан кейін – Облыстық клиникалық аурухана, 1969 жылы – Орталық қалалық аурухана және қалалық емхана, кейін 1996 жылы – қайта ұйымдастырылған Семей қаласының Жедел медициналық жәрдем ауруханасы (әрі қарай – ЖМЖА) және Семей қаласының №1 емхана.

Атап өтілген барлық ұйымдарда физиотерапия бөлімшесі табысты жұмыс істеп тұрды. Бөлімше бастауында Семей мемлекеттік медициналық институтының құрған Василий Сергеевич Бобов және эксперименталды педагогиканы ашқан Петербург университетінің приват-доценті, Самара университетінің тұңғыш ректоры, Мәскеу мемлекеттік психоневрологиялық институтының директоры Александр Петрович Нечаев және тағы басқа сынды ғалымдар тұрған.

2014 жылы жаңадан салынған ЖМЖА ғимаратына көшуде физиотерапия және емдік дене шынықтыру бөлімшесі (әрі қарай – физиотерапия бөлімшесі) заманауи құралдармен, емдік дене шынықтыру жүргізуге арналған кең залмен және механотерапия, массаж кабинеттерімен жабдықталды.

Бөлімшеде жоғары білікті мамандар жұмыс істейді: реабилитолог-дәрігер, 4 физиомедбике, емдік дене шынықтыру бойынша 4 инструктор, 1 массажист.

Барлық процедуралар емдеудің жоғары нәтижелі тәсілдерін қолдану арқылы заманауи аппараттарда жүргізіледі. Физиотерапия артықшылығының бірі – дәрі-дәрмекті адам ағзасына еңгізусіз емдеуде, яғни, аллергиялық реакция, кері әсер және дәріге тәуелділік қаупінің болмауы.

Орта есеппен физиотерапия бөлімшесінде жылына 8000 мыңнан астам науқас емделуден өтеді. Олардың ішінде тек ЖМЖА стационарлық науқастары ғана емес, сонымен қатар өз денсаулықтарын қалпына келтіруге мұқтаж басқа да тілек білдірушілер бар.
Реабилитолог-дәрігер таңдаған жеке емдеу курсы асқынулардың алдын алуға, емделу мерзімін қысқартуға мүмкіндік береді, ең жақсы нәтижелерге тез қол жеткізуге ықпал етеді.